Dönen, wat ´et program maage

Mathias Hölck

Bäären as Mathias a 10. Mai 1973 uun a Wik, apwoksen as´r uun det smok taarep Norsaarep üüb Oomram. Üüs jong maan ging´r do tu studiirin efter Hamborig an Kiel. Hög juaren tuurag wurd a studenten faan´t feeg Friesische Philologie do ens troch´t Landesfunkhaus Sleeswig-Holstian feerd. An üüb eensis het det do, hoker wel last hed, sendungen üüb fresk tu maagin. Sant detdiar tidj as´r diarbi. Hi fant det gud, det´r fööl faan Sleeswig-Holstian tu sen feit an det´r bi sin interwjuus stödig nei, ned lidj keenenliart. Föör al natüürelk nuurdfresken. An uk wan´r ei jüst – uun tiinsten faan a NDR - bi sin loonslidj ambifraaget, tjocht´t ham hen tu´t weeder. Bi en flauen winj mei´r hal mä sailbuat tuwois, bi bloosin naamt´r leewer ´et sörfbuurd.

Elin Rosteck

Elin as üüb a feesteeg bäären, nämelk uun Flensborig, a 20. Oktuuber 1969. Mä en siamaan üüs aatj as hat üüs kint an jongfoomen muarsis amtaanjen. Apwoksen as hat uun Flensborig, uun Kiel an üüb Feer, huar hat uk snedjer liard hee. Diarefter ging hat tuurag tu Kiel tu studiiren. Heer maaget hat uk – muar tufälig üüs plaanet - en praktikum bi a NDR 1 Welle Nord. Det gefool ham, hat bleew diarbi. Santdem as hat uun a reegel uun at rä "Frasch för enarken" uun´t radio tu hiaren. Hat geneet det, aueral uun´t lun lidj keenen tu liaren an fööl faan a lunskaft tu sen tu fun. Am besten gefäält ham oober, eftert uun hör sendungen arken een det naier tu bringen, wat hat üüb raisen mä lun an lidj belewet hee. Wan hat ei jüst werket, do mei hat hal bi´t weeder sat an a hämel beluuke. Of ham faan a hingst ütj orentelk a winj am a uaren wei leet.

Das Nordfriisk Instituut

A "Fertel iinjsen"-weedstridj as tup mä't Nordfriisk Instituut beraamet wurden an wurd uk diarmä tup ütjracht. Bi detheer nuurdfresk internetsidj hee at uk mä riad an diad bi't apbaagen holpen. Det Instituut jaft at sant 1965 an at as en wedenskapelk iinrachting, wat ham mä't pleeg, stipin an ütjforschin faan a fresk spriik, histooriie an kultüür befaadet. Draanjen wurd at Instituut faan a ferian Nordfriisk Instituut mä 850 lasmooten, faan a kris Nuurdfresklun an at lun Sleeswig-Holstian, a deensk manerhaid, oober uk faan spenden an jil, wat mä aanjmaaget buken iinnimen wurd. At Nordfriisk Instituut hee hunderte faan buken an heften am fresk kultüür an historiie ütjden, huarfaan uk en hiale rä üüb fresk skrewen san.